C is vir China

So ek wou eintlik deur die alfabet werk met Bybelkarakters maar vind toe nie een met ‘n C naam nie! Selfs ‘Caleb’ in Engels word Kaleb in Afrikaans. Toe besluit ek om sommer oor China te leer! En ek en die kinders het so baie ontdek oor die land en haar mense!

En voor jy vra is China nie so gespel nie: Sjina? Dalk iewers, maar in al die naslaan boeke wat ek gelees het was dit met ‘n C gespel.

Alfabetland was die boek wat vir my eers laat besluit het om China te besoek. My 4-jarige moes die werk in die boek doen. Sy leer nou die alfabet klankies en skryf die letters vir die eerste keer.

2015/02/img_1400.jpg

En ons begin ons lapboek deur ‘n collage van die Chinese vlag te maak. ‘Collage’ is nog ‘n woord wat in Afrikaans met ‘n C begin!

2015/02/img_1401.jpg

Die Chinese skrif op die voorblad is die woord China! Wat ‘n opwindende ontdekking was die Chinese ‘alfabet’ of simbole nie! Elke simbool verteenwoordig ‘n woord in plaas van letters wat ‘n woord spel. My kinders was beindruk met die dissipline van die Chinese om lewenslank nuwe simbole aan te leer en dit so perfek en netjies te leer skryf. ‘n Baie oulike uitbeelding van die Chinese simbole vir kinders is te vinde hier.
Janéy moes 4 simbole teken en hul oorstemmende Afrikaanse betekenis vir ons lapbook. Vir die nuuskieriegie agies onder julle, die boonste woord is huis, derde een is water en die laaste simbool is boom.

2015/02/img_1275.jpg

Ons het agter op baie speelgoed gekyk om te sien of dit in China gemaak was en wraggies, was daar klomp ‘Made in China’ goed in ons huis! Dit het my dogter laat aflei: ‘Sjoe, China maak baie goeters!’ En toe kon ons massa produksie bespreek en die invoer van produkte en die feit dat hulle baie mense het, daarom baie werkers en baie fabrieke.

2015/02/img_1398.jpg

Ek lees toe uit ons pragtige ‘Kinders van die Wêreld’ boek oor kinders se lewens in China. Alhoewel die boek taamlik oud is, is die pragtige prentjies en stories tydloos.

2015/02/img_0759.jpg

Natuurlik moes ons gaan uiteet by ons naaste Chinese Restaurant. Daar gesels ons met die kelnerin en hoor sy heil uit Beijing waar haar ouers nou nog woon. Ons het lank gekyk na die manne wat sushi rol en hoe dit gedoen word. Daar het my kinders ook die Budda standbeeld raakgesien en ek verduidelik dat sommige Chinese glo in Jesus en Christene is terwyl baie in ‘n ander god glo.

2015/02/img_1399.jpg

Terug by ons lapbook en my kinders werk saam aan Feite van China. Ilani teken oor die kolletjies wat ek vir haar gemaak het en ook die mense wat die populasie van China verteenwoordig, die berge en riviere. Janéy skryf die feite onder die prentjies neer. ‘n Webwerf wat my nogal fasineer het is http://www.worldometers.info/world-population/china-population/ Dit wys die populasie telling van ‘n land en hoe dit ‘Live’ groei! (Wat is ‘Live’ in Afrikaans? Lewendig? Eerder werklik!) Ek wys die kinders hoe die 1, 398, 567, 424 voor ons oë oorslaan tot 1, 398, 567, 425! En vinnig gaan die telling op en op. Ek vertel my kinders dat baba’s NOU gebore word en so neem die populasie toe. Vir lapboek doeleindes het ons maar afgerond tot 1,4 biljoen. Die grootste volk in die wêreld!

Janéy skryf toe ook die naam van die grootste bergreeks en rivier.

2015/02/img_1273.jpg2015/02/img_1272.jpg

 

Ek het baie gebruik gemaak van die boek: Antieke Wêreld
Dit help om akkurate, tog eenvoudige feite aan my kinders oor te dra. Ook die korrekte Afrikaanse se woorde vir goed. Die prentjies is baie mooi ook. Hiervan, kies ek watse inligtingg gaan ons in die lapboek vertoon.

2015/02/img_1264.jpg2015/02/img_1265.jpg

 

Die Groot Muur van China moet verseker in kom en ons sny en vou papier om soos die Groot Muur te lyk. Janéy skryf so paar feite in en wou graag ook ‘n prentjie by elke feit byteken. Ek het nie geweet dat daar baie dele van die muur gebou was nie. Regoor China is daar lang stukke muur! Die langste stuk wat aaneen is, strek meer as 6000km maar al die dele muur saam is eintlik meer as 20 000km!!

Die Groot Muur van China

Die Groot Muur van China

China is bekend vir hulle uitvindsels en ontdekkings! Honderde, selfs duisende jare voor die res van die wêreld, het China papier ontdek asook ink en daarom het hulle boeke gebind en boekwinkels gehad jaaaare voor die Westerlike wêreld. Hoekom dink jy is hierdie nasie so slim?

Ons maak toe ‘n klein koevertjie en my kinders teken en skryf die uitvindings neer en plaas hulle in die koevert.

2015/02/img_1276-0.jpg

Ek was eers oppad om my kinders van die Chinese Zodiac te leer en die diere wat vir hulle belangrik is. Ek het ongemaklik gevoel met hierdie heiden lering maar het gedink die diere sou interessant wees om te teken. Gelukkig het my goeie vriendin Dominique my reggehelp! Sy behandel ook China in hulle tuisskool en sy fokus op die kultuur verskille van die land en nie die godsdiens nie. Sy vertel my toe van die Nasionale dier, boom, vrug en sport van China! En daar het ek weer baie inligting vir ons lapboek! Janéy teken toe lekker aan al die prentjies van goed wat belangrik is in China!

2015/02/img_1270.jpg2015/02/img_1269.jpg

My man se versameling van geld het so handig ingekom want toe kon ons na regte Chinese geld kyk, al is dit bietjie verouderd.

2015/02/img_1277.jpg

 

Janéy het ‘n Chinese huis geteken vanaf ‘n prent en Ilani het dit geverf.

2015/02/img_1199.jpg2015/02/img_1279.jpg

Toe ek sien dat die Chinese Nuwe Jaar op die 19de Februarie val, weet ek dat ons saam ons maats dit moet vier! So ek en Dominique sit koppe bymekaar en geniet ‘n prettige Chinese Nuwe Jaar saam! Kompleet met ‘fried rice’, chopsticks en lanterne! Ons kinders het karton rooi geverf en toe dit droog was, gesny. Die lanterne was so maklik om te maak en so feeslik!

2015/02/img_1243.jpg

2015/02/img_1252.jpg Eet lekker saam en met chopsticks!

 

Dominique het prawn chips gebraai en ek het rys en hoender in die wok gemaak. Ons het die kinders gelos om lekker saam te speel. Hulle het wel vir mekaar gewys wat hulle die week geleer het en gelag oor die ‘Ni hau’ Chinese groet.

Dominique het vir ons rooi koeverte gekoop en sjokolade geld daarin gesit omdat dit tradisie is om geld te gee vir kinders in rooi koeverte op Chinese Nuwejaars. Sy het ook haar voorraad uitgedrukte blaaie met my gedeel sodat ons lapboek lekker vol kon wees.

2015/02/img_1268.jpg2015/02/img_1274.jpg

IMG_1217

Prawn Chips

Fried Rice

Die eind produk!

Die eind produk!

2015/02/img_1251.jpg

Ons almal het opge’dress’ vir die geleëntheid.

My hart voel teer soos ek skryf. Die nasie van China is so ver verwyder van my lewe hier. Tog is daar amper 1,4 biljoen mense daar. Ek kan nie help om te voel dat hulle besige miere is in ‘n muurhoop wat rondskarrel en hulleself dood werk vir oorlewing. (Soos ons almal eintlik maar doen.) En tog kyk die Here neer en ken elkeen by naam. Weet van elke swart haar op elke mooi ronde gesig. Hy gee om. Hy weet van hulle. En dit is ‘n troos om te weet.

Kom ons bid vir die Kerk in China. Hulle het ons gebede baie nodig! https://www.youtube.com/watch?v=rxX2_D11qBw

Advertisements

2 thoughts on “C is vir China

  1. Pingback: Opsomming van die Jaar 2015 | Kieswetter Klaskamer

  2. Pingback: X is in Mexiko! | Kieswetter Klaskamer

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s