Dr Seuss Dag

Ek het heel toevallig (of dalk nie) gesien dat Maandag die 2de Maart, die bekende skrywer Dr Seuss se verjaarsdag was! Theodore Seuss Geisel was gebore in Springfield, Massachusets, op die 2de Maart 1904.
My kinders was verbaas om te hoor dat hy reeds dood is, in 1991. Hoe kan ons dan sy verjaarsdag vier as hy dood is? Vra een. En toe gesels ons oor hoe ons iemand kan vier selfs na hulle dood, veral as hulle werke soos boeke gelos het wat ons nog kan lees en waardeer.

Ek sien toe ook op Pinterest dat daar hordes Dr Seuss aktiwiteite is asook oulike eetgoed wat baseer is op sy boeke. Ek besluit net daar dat ons ‘n Dr Seuss partytjie moet hou en nooi my tuisonderwys mammas. Binne minute is daar baie opgewonde positiewe antwoorde.

In voorbereiding vir die lawwe geleëntheid het ons bibloteek toe gegaan en al die Seuss boeke uitgeneem wat ek kon vind. Ek het ook sy bont en prettige webwerf gevind http://www.seussville.com en werkkaarte afgelaai en laat uitdruk. Ek het opgelees oor die man en was amuseerd te ontdek dat hy na nie minder as 27 uitgewers toe gegaan het voor iemand sy boek aanvaar het!

Watse eetgoed sou ek maak? Groen eiers en ham natuurlik! Hiers die eenvoudige resep: http://www.icanteachmychild.com/green-eggs-and-blueberries/

Ek druk bekende Dr Seuss spreekwoorde uit en reël dat ons een van sy storie se flieks kyk. Die dag breek aan en toe is ons krag af! Ons was toe sonder fliek, warm popcorn en koffie maar ons het nogsteeds ‘n lekker middag gehad. Die kinders het Fruitloops geryg op strootjies om te lyk soos die kleurvolle boomstamme in baie van Dr Seuss se boeke. Toe werk hulle aan die werkkaarte. Toe lees ek vir hulle die opbouende boek “O the places you’ll go!” Die week was ook Luidlees Dag en baie Amerikaners gebruik Dr Seuss boeke om Read Aloud Day te vier. Dit was alles nuus na die gebeurtenis vir my!

2015/03/img_1710.jpg

2015/03/img_1715.jpg

2015/03/img_1659.jpg

Baie van Dr Seuss se boeke is al vertaal in Afrikaans maar ek besluit ons moet sommer bietjie Engels oefen saam die lawwe literatuur. Dis baie maklik verstaanbare stories en die rym is ook pret. Ek soek toe al die rym oefening wat ek kon kry in ons Engelse werkboeke en was baie bly toe my kinders glad nie daarmee sukkel nie en dit ook geniet!

2015/03/img_1716.jpg2015/03/img_1709.jpg

 

Na die harde Engelse en wiskunde werk, het ons toiletpapier ‘Horton’s’ gemaak en toe die fliek gekyk ‘Horton hears a who’. (Die keer met popcorn!)

2015/03/img_1708.jpg

Gister kom my kinders self vorendag met die idee om hulle eie boeke te skryf en illustreer, soos Dr Seuss. Ek is so bly want dit was in my kop om presies so te maak! Ek herhinner hulle aan sy boek “If I ran the Zoo” en hoe hy vreemde diere geteken het en sy eie name vir die diere gegee het. Hulle is toe baie opgewonde. ‘n Paar gevoude bladsye later en daar het elkeen ‘n boek. Hulle noem dit ‘My Dieretuin’ en begin om snaakse wilde diere te teken. Die name uitdink was vir hulle maklik, die rym sinnetjies minder so. Ek moes verduidelik dat rym woordjies aan die einde van ‘n sin moet kom en dat dit makliker was om eers die rym woorde te kry en dan die res van die sin te bou. Ek het my bes gedoen om hulle die ruimte te gee om self uit te dink en op te maak, maar kon nie keer om te help dat die sinne lekker werk nie 🙂 Dit het later vir hulle makliker geword.

Janéy het baie trots in haar werk geneem en ure daaraan spandeer. Wanneer sy gewoonlik TV sou kyk (5uur die middag) was sy by die kombuis tafel besig om aan haar boek te werk. En as daar te min sinne was, het sy gesê ons moet nog uitdink en byskryf. Ek sien toe later dat baie van haar prentjies se inspirasie van Dr Seuss se boeke afkomstig was.

2015/03/img_1731.jpg

2015/03/img_1725.jpg

2015/03/img_1735.jpg

2015/03/img_1734.jpg

More, kry hulle die geleëntheid om hulle boeke af te wys by ons tuisonderwys groepie se Show en Tell. ‘n Goeie manier om die letter D vir die digter, Dr Seuss mee af te eindig!

Amper vergeet ek! Ek het my eie Cat in the Hat Engelse rym werkkaart gemaak en dis hier beskikbaar vir julle om gratis af te laai en uit te druk.

Cat in the Hat Rhyming worksheet

Cat in the Hat Rhyming worksheet

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s