X is in Mexiko!

Ons het nog nooit die letter X behandel nie, so ek dink dis hoogtyd! Ek het nie veel van ‘n plan gehad nie en ek moet bieg dat ons eerste dag laas Maandag, baie chaoties was. Ek het lank gesoek vir ‘n wit kryt sodat Tenike haar hand kan aftrek en oorstokkies plak om x-strale uit te beeld. 

Ons sukkel ook om die X uit swart papier te sny. Hy lyk erg krom! Ek hou aan sny en spoeg en plak tot hy vir my reg lyk. Les van die dag: voorbereiding sal help! Ek is reeds nie baie ge-organiseerd nie, maar met so bietjie beplanning kan dinge heelwat beter verloop! Ek het besluit dat ons net moet leer om oplossings te kry! En daar sien ek kleinsus teken met ‘n sepie op die tafel en dis wit! Plaas van raas, wens ek haar geluk en ons trek haar hande af!

 John Powell sê “The only real mistake is the one from which we learn nothing.”   

 

Ons het eers bietjie Engelse werk gedoen. Ek het laat die kinders woordjies bou met x. ‘Box, fox, mix, six, fix’. Hulle moes hulle skrif oefen en x netjies skryf in hul boeke. Toe speel ons ‘n kort speletjie van “What’s in the box?” Ek sit ‘n skuim letter in die boks en hulle moet voel watse letter dit is sonder om te kyk. 

 

Ons het lekker Getal van die Week werk gedoen elke dag. Met Lizelle Rademeyer se werkkaart wat ons gelamineer het, kon die kinders self elke oggend aangaan. Kry joune by http://www.lomi.co.za   

   

Toe word Janéy siek en ons kom by niks werk uit nie. Ek het toe reeds besluit dat ons oor Mexiko moet leer en het begin jeuk om te werk. Ek druk so lank werkkaarte uit. Die oulike ‘lapbook’ wat ons gebruik het is gratis te vinde by http://files3.homeschoolshare.com/docs32466/mexico_lapbook_complete.pdf 

So ons kom eers Vrydag by werk uit en dus het ons die week daarmee aangegaan.  

  

‘n Skootboek (of Lapbook) is ‘n projek met klomp inligting in wat vertoon word op ‘n prettige manier. Jy kan dan als oor ‘n onderwerp lees op jou skoot. Ons het al klomp gedoen, so kyk gerus na ons ander suksesvolle ‘lapbooks’. (China, Antieke Egipte, Indeë om ‘n paar te noem.) 

Pinterest is vol van hulle met skakels na gratis templates.

   

   

 Ons het so lekker gewerk aan die skootboek. Soos jul kan sien, is daar lekker tabelle wat besprekings kan uitlok. Ons het gepraat van bevolking en hoeveel mense woon in Mexiko teenoor die VSA en Suid-Afrika. Ons het oor die Katolieke godsdiens gesels asook die tydsone. Mexiko is 8 ure agter ons! Ilani het die nasionale blom geteken en Janéy het meer oor hul vlag geskryf. Die embleem in die middel van die vlag is ‘n arend met ‘n slag in sy mond. Hy sit op ‘n truksvyebos. Ons het die storie agter die embleem gelees in my wonderlike naslaan boek ‘Kinders van die Wêreld’. Hierin is daar prentjies van Mexikaners asook stories oor alledaagse lewe in Mexiko. Dis hier waar ons gelees het dat hulle tortillos eet vir ontbyt. En dat hulle klokke lui om hul Vryheidsdag, die 16de September. 

  

Ons trek hierdie inligting terug na inligting wat die kinders reeds weet. Soos dat in hul Oupa en Ouma se huis, is daar ‘n skildery van ‘n arend met ‘n slang in sy kloue. Janéy bel toe vir Ouma en vertel haar dat die skildery ook op die Mexikaanse vlag is! Ook Tannie Zunelle se verjaardag is die 16 September en ons het dit opgeteken op ons Verjaarsdae ballonne. Hierdie feite gaan dan verseker meer pos vat in hulle breine omdat dit gekoppel is aan persoonlike ervaring. 

 

Hierdie Spaanse woorde met prentjies was deel van die gratis pakket wat ek vanaf http://www.homeschoolshare.com gekry. Ek het my selfoon vir Janéy gegee en sy het die Spaanse woorde by Google Translate ingetik om die vertaling in Afrikaans te kry. Dit was vir haar so lekker! Daar oefen sy tegnologie, tik en lees! Jonger sussies wou graag help met die sny en plak van die prentjies. 

Ek het vir die kinders gelees uit Kinders van die Wêreld, verhale van Mexiko.   

 

Ons het ook die toepie Duolingo afgelaai en so bietjie Spaans geleer. Maar die toep is nie so maklik nie. Ek dink dit is gemik op ouer kinders of volwassenes.

  

 Ons het gepraat oor Mexiko se gunstelinge sporte en bietjie lucha libre genavors. Ons wil nog die fliek Nachos Libre kyk saam die kinders. Dis skreeusnaaks en dit sal vir hulle ‘n goeie idee gee van Mexikaanse kultuur.  Ilani het die prent ingekleur. Ek het dit en ander Mexikaanse inkleur prentjies gekry by http://www.dltk-kids.com/ En dan so af en toe sal die meisies skielik begin stoei! 

Ons moes ook praat oor die Asteke! Hulle vorm deel van die geskiedenis en kultuur en ook die aardrykskunde van die land met al die tempels en stede wat steeds in die oerwoud skuil. Ons het gelees in ons Kinders van die Wêreld boek van die ontstaan van die hoofstad van die Asteke. Hulle het gereis tot hulle die teken gevind het wat hulle voorvaders gesê het hulle sou vind: die arend met die slang in sy kloue! Hulle sien dit toe op die eiland in die middel van die Texcoromeer. Daar het hulle die bekende stad Tenochtitlan gebou. Hulle was ‘n baie profetiese nasie! Hulle het die aankoms van die Spanjaard Cortés voorspel.  Dit was uit vrees dat die Asteke hele dorpe aangeval het en die mense aan hul gode ge-offer het. Dis die rede vir die skedels op die voorblad van die skootboek. Die Asteke het duisende koppe laat rol!  

  

Natuurlik moes ons Mexikaanse kos eet! Manlief het al die nodige goed by Pick n Pay gekry!   

 

En toe noem Janéy dat sy in ‘n fliek gesien het hoe die man ‘n eetbare sombrero hoed het! Hy breek ‘n stukkie af en dip dit in die guacomole in sy hoed! Toe wou ek graag hierdie nachos hoed maak! En Pinterest het ‘n resep gehad! Was toe baie eenvoudig!

Ek het 3 koppies meel en 3 koppies mealiemeel gebruik. Een koppie botter en sout. Een koppie water en daar het ons ‘n lekker deeg wat ons toe uitrol. Ek was so opgewonde oor die vorm van ‘n yogurt houer wat sou dien as die sombrero hoed dat ek nooit gedink dat dit in die oond sou smelt nie! Gelukkig het ek foelie daaroor gesit en foelie aan die bodem van die bakplaat gesit. Die houer het heeltemalk gesmelt maar die plastiek het nie aan die kos of die pan geraak nie. 

Die deeg was lekker om mee te werk en ons kon die vorm van die hoed maklik maak. 180′ in die oond tot ek ruik dit ruik reg (so halfuur). 

 

En toe wou ek tjippies laat afhang van die hoed. Ons maak ‘n Fritos pak oop en toe moes ek ‘n baba gaan voer. Toe ek terugkom, is die pakkie dolleeg! Die kinders sê jammer maar hulle was honger. 🙂 So toe maak ons springmielies en dit werk ook goed!   

   

Die hoed het heel lekker gesmaak ook!  

 

 

  

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s