10

Ons A Aktiwiteite

Ons A Aktiwiteite

Ek is bewus dat die Onderwys volgorde vir klankies aanleer begin met i, l, h, b. Dis seker die heel maklikste klankies om te skryf en so vorder die kindjie se skryf vermoë van ‘n strepie af tot meer ronde vorms.

Maar ek is nou bietjie eie-wys en het nou klaar begin met K vir Kieswetter Klaskamer, so ek gaan maar ‘n Sinatra trek and do it ‘My way’. Dit is hoe Wilamien Kruger die Ecletic manier van tuisonderrig beskryf. “Eclectic homeschooling is defined as compiling or writing your own home school curriculum by taking the best of different approaches and styles to suit your family’s individual needs.” Lees haar uitstekende blog vir beginners hier: http://www.homeschooling-curriculum-guide.com/eclectic-homeschooling-personal.html

Die eerste leesboekie wat ek vir Janéy gaan leer is ‘Zak die Kat’ (wat ek online gekoop het vir R18 by http://www.leerAfrikaans123.co.za). So om vir haar so gou moontlik te leer lees gaan ek die week A-klankie leer en volgende week T. Die letters is dalk moeiliker om te skryf, (my 6-jarige het lank gewerk en ge-oefen met k en a), maar so moet sy ook 2,3,4 en 5 in elk geval aanleer. En watse woord gaan sy met i, l en h kan lees?

So die A-aktiwiteite. Ek het deur Little Footprints kurrikulum geblaai en hulle eerste leesboek is ‘Vlieg Arend, Vlieg Hoog’, so toe bel ek rond tot ek dit by Exclusive books in Menlyn vind. Wat ‘n mooi storie van ‘n arend kuiken wat grootword tussen hoenders en homself dan soos ‘n hoender gedra. Maar hoe een man in sy vermoë om te onthou hy is ‘n arend glo en hom aanmoedig om sy vlerke te sprei en hoog te vlieg. Die mooi illustrasies deur Niki Daly het my ge-inspireer om ‘n arend te teken en ons het toe almal saam om die tafel dit ingekleur.

vlieg arend vlieg hoog

Boek deur Christopher Gregorowski

 

Ons eie arend

Ons eie arend

Natuurlik doen ons wiskunde en skryf werk tussen al die klankie werk. Die Letter van die Week gee ons net ‘n tema waarvolgens ek alle ander vakke kan onderwerp. Ek get gedink aan die woord ‘asyn’ en toe in ‘n wetenskap boek (101 Experiments) gesoek vir ‘n eksperiment met asyn.

20140118-124946.jpg

En toe is daar ‘n goeie een met koeksoda en asyn en ‘n kers. Dit was baie opwindend om die vlammetjie te sien doodgaan as gevolg van die koolstofdioksied wat vorm wanneer asyn met koeksoda gemeng word. Ek het op die mees eenvoudigste manier dit aan my kinders verduidelik en hul pa het daardie aand weer die eksperiment herhaal met sy verduideliking.

20140118-125255.jpg

Vlam brand terwyl daar genoeg suurstof is.

20140118-125305.jpg

Vlam en vuurhoutjie gaan dood wanneer daar te veel koolstofdioksied is

Al asyn wat ons in die huis gehad het was Balsamic Vinegar, dus die donker kleur. Maar toe werk dit goed vir ander asyn eksperimente. Timothy (my man) het gewys hoe asyn swaarder is as water. Mens kon duidelik die donker asyn onder die deurskynende water sien lê. My dogters, veral die oudste, was baie nuuskierig oor die eksperimente. Ek het haar die volgende dag laat prentjies teken oor elke stap van die asyn en koeksoda eksperiment. Elke prent is genommer en toe skryf ek kort sinne op die swartbord wat sy in haar boek moes oorskryf. Die Engels noem dit ‘copywork’.

In pouses eet ons avokado broodjies en kry toe die idee om ‘n avokado plantjie te groei van ‘n pit. Lees hoe om dit te doen hier. Ons pit is maar nog net ‘n pit.

Een aandete het pappa heerlike maalvleis gevulde aartappels gemaak. Die kinders eet graag aartappels met suurroom.

Ek wil graag elke tweede week ‘n kort gediggie leer en onthou een van my skooldae met die woord ‘anys’ in. Ek soek weer op Google en vind die mooi kort gedig deur DJ Opperman. My kinders kon dit vinnig leer omdat die ‘props’ van ‘n naartjie, kaneel en anys byderhand was. So inkorporeer ek die reuk sintui in ons week.
“My nooi is in ‘n nartjie, my ouma in kaneel, daars iemand… iemand in anys.
Daars ‘n vrou in elke geur.”

20140118-130703.jpg

“My nooi is in ‘n nartjie, my ouma in kaneel, daars iemand… iemand in anys.
Daars ‘n vrou in elke geur.”

Danksy Whatsapp kon ons my dogter opneem en vir die Ouma’s wat vêr bly die gediggie met liefde stuur.

20140118-131716.jpg

Gebakte appels

Ek het nie ‘n blik appels in die huis gehad nie, toe bak ons ons eie. Baie eenvoudig. Skil en sny net stukkies appel. Plaas in bak met bietjie water, suiker en kaneel. Maak toe met foelie en bak op 180’C tot die hele huis ruik soos gebakte appels en kaneel.

Heerlike krummel appel tert gemaak deur om net meel en suiker met botter te meng en oor die appels te sprinkel. Eks net spyt ons roomys en vlae was klaar voor die tert was.

20140118-131941.jpg

Appeltert

Nog ‘n aangename sensoriese a-aktiwiteit is die letter A en a met jou vinger in baba appel purée te teken. ‘n Hele Purity bakkie is uitgegooi op ‘n skinkbord en toe lekker mee gespeel.

20140118-132245.jpg

Ek hoop om nog toffie appels te maak vandag, (as ek krag het in hierdie hitte!). My kinders het nog nooit een geeet nie en ek nog nooit gemaak nie so dit sal nuut wees vir ons almal.

O ja! Ons kuns aktiwiteit wat ons paar dae lank besig gehou het was die Akwarium. As jy een wil maak, verf net die binnekant van ‘n boks blou en laat jou kinders die akwarium versier met allerhande afval goeters wat in jou huis is. Plakkers en stickers, lint en papier, prentjies en pom poms. Dankie aan Annemari Straus vir die regte egte skulpies!

20140118-132759.jpg

Wat ook spesiaal was, was om ‘n geskenkie te koop vir Tannie Amanda wie ‘n baba verwag. Ek wil graag vir my kinders leer om goedhartig te wees en ons gaan ‘n punt daarvan maak om uit te ryk aan ons naastes.

Alle wêreld! Nou’s ek sat!
Mamma soek nou ‘n breek van my Aspatats! 🙂

Advertisements
1

Nóg K-aktiwiteite

Ek geniet nou so baie die letter van die alfabet tema, dat ek sommer oor die naweek nog k-klankie aktiwiteite gedoen het, ek kan myself nie keer nie! 🙂

20140112-202423.jpg

Ek het my kinders die basiese beginsels van krieket geleer. Ek het gekolf, Ilani het geboul en Janéy was die veldwerker. Klein Tenike het aangekyk met koue appel in die hand. Ek het ‘n hele paar lopies aangeteken voor Janéy my uitgekry het, maar ander sus wou nie hê mamma moes uit wees nie, sy kry my te jammer. Janéy het die op en af hardloop in elk geval geniet so toe bly ons maar in daardie posisies. Dit was lekker pret!

‘n Baie oulike alfabet boek is ‘n Annerste ABC-boek vir aspatatte deur Maritha Snyman. Die kinders leer goeie woordeskat aan terwyl hulle na pragtige prente kyk. Die K-rympie is soos volg:

Krokodil kielie sy kitaar
En Koedoe pluk aan ‘n enkel-snaar.
Skril klink die klank uit Kanarie se keel.
Dalk moet sy eerder leer blokfluit speel.

20140112-203519.jpg

Ek het ook die baie oulike storie van Krisjan die Kameelperd vertel in die boek ‘Kameelperde kan nie dans nie’ deur Giles Andreae. Daar is klomp goeie k-woorde tussendeur die storie, bv knopperige knieë, knibbel en knak. Ek dink die skrywer was juis uit om so veel moontlik k’s in te sit!

Klere knip van felt is nog ‘n k-aktiwiteit. Ek sou graag meer tyd wou spandeer aan klere maak vir ons feltpoppe. Dalk kan ons nog meer kreatief raak en kraletjies vaswerk aan rokkies. Maar vir nou het ons mannetjie ‘n jas en das.

En toe moes ons Katjie maskers maak! Sommer van papier borde en eierhouers.

20140112-204133.jpg

20140112-204151.jpg

Ons katjies se ore was van oranje karton gesny so die katties word toe ook oranje- amper rooi (bietjie kwaai katjies hierdie).

20140112-205153.jpg

Om ons ander k-aktiwiteite te sien, gaan hier.

Ek sal nou ongelukkig die k-klankie moet koebaai sê vir ‘n rukkie, ons moet nou eers aangaan met A. 😃

20140112-220119.jpg

20140112-220130.jpg

2

K-klank Aktiwiteite

My idee vir klankies inoefen met my 6- en 3-jarige is om soveel sensoriese aktiwiteite te gebruik as moontlik. En juis die groot voordeel om by die huis te kan leer te benut! Daar is soveel bestandele in en om die huis wat kan bydra tot lekker voel, ruik en sien aktiwiteite. Eerstens moet dit met die tema klank begin, dan moet dit prettig wees en dit moet al die sintuie wakker maak!

So die hele Desember vakansie maak ek notas op my foon oor alles wat met k begin. En in Afrikaans is daar heelwat baie!  (K omdat ons skool Kieswetter Klaskamer is 🙂

Hier is my lysie: K letter

Kop, ken, kniëe, kuite
Maak die letter K met jou lyf

Maak n K met klei

Kruie – kaneel, koffie, kakao, kerrie, knoffel

Kwartels, Kanaan, Konings

Kangaroo, krokodil, kameelperd, kat, kameel, koei, krap, kriek

Koek, klapper koekies, karamel, koeksisters, kiwis, komkommers, koejawels

Klasie blaas die Kersie uit (storie)

“Koljander, Klojander loop deur die bos, my ma en pa kook lekker kos, my boetie verstik aan ‘n druiwetros [korrel], die laaste een se kop word afgekap.”

Skryf: Klein Kira klim en klouter op die die klimraam.

So die dag van die Kieswetter Klaskamer se Opening het ons heelwat van die aktiwiteite saam met die maats gedoen. Ek weet nie wie het dit meer geniet nie, ek of hulle 🙂

20140109-202937.jpg

Ons het die liedjie “Kop en skouers, kniëe en tone” aangepas na “Kop en ken, kniëe en kuite…” En vinniger en vinniger gesing.

Ons het Koljander Koljander se lied ook aangepas sodat niemand verstik nie maar eerder ‘kou aan ‘n druiwe korrel’ 🙂 Maar nogsteeds moes ‘die kop word afgekap!’

20140109-143446.jpg

Daarna het ons ‘n Ruik die Krui speletjie gespeel. Al die kinders kon eers ruik aan Kerrie, Knoffel en Kaneel en toe het ek een vir een geblinddoek en raai watse krui hulle toe ruik. Dit het heel goed afgeloop met die sterk reuke baie duidelik en anders genoeg om maklik te erken. Melk was toe bedien met aarbei strootjies omdat “Koeie vir ons melk gee”.

20140109-204408.jpg

Toe was dit die speletjie wat my dogter later gesê het haar gunsteling van die dag was: Kiki’s met ‘n Kamera. Die oudste maats wat bygewoon het was almal 6 jaar oud en weet hoe om foto’s te neem met ‘n smart foon. Ek het mamma’s vooraf gevra of dit sou reg wees dat hulle kinders rond stap en items wat met ‘n K begin afneem. Dus die kiki’s. Ek en my girls het geniet om die vorige dag die voorwerpe op sekere plekke in die sitkamer en kombuis te plaas. En so was my huis beset met 5 en 6-jariges met selfone in die hand en roepe van “Kyk, hiers ‘n koning!” En “Ek het die kragprop gesien!” En “Tannie, kyk my foto van die ketel.” Die maatjie met die meeste korrekte k-kiki’s het ‘n Kit Kat gewen!

Ek wil gereeld sulke speletjies speel wat my kinders se vermoë met tegnologie inkorporeer.

20140109-204432.jpg

My dogter se foto van die ketel.

My liewe Ma het ook deelgeneem vanuit Engeland deur om ‘n video te stuur van haar vertolking van die storie ‘Die Skewebekfamilie’. Nie Oupa Koos, Boeta Karel, Sussie Karen of Kietsie Kat kry dit reg om die kers dood te blaas nie. Die held Klaas blaas uiteindelik die kers uit! Dit het veral baie vir my beteken en goeie herhinneringe van my kinderdae geprikkel.

Klei moes natuurlik ‘feature’ in die K tema en die kinders moes die K op ‘n papier toepak. Mens kan natuurlik ‘n groot K lamineer en gebruik as plekmatjie vir die kleispel.

20140109-205208.jpg

Gelukkig vir ons begin daar baie heerlike soorte kos ook met ‘n K en ons het lekker geknibbel aan kolwyntjies, gevriesde kersies, koeksisters, karamel en kaaskoek en klapper koekies. Ek het tot koejawel gegeurde ysies gehad, maar van hulle vergeet in die vrieskas!

My pa grap dat ek nou gaan sukkel om so baie aktiwiteite uit te dink vir die volgende klank want ek het heelwat minder tyd! Ek knik, dis verseker, maar ek kan nie nou swyg nie, die koël is deur die kerk!