2

‘Sleep Training’ my tweeling

Ons het suksesvol my tweetjies geleer om self aan die slaap te raak. Van die derde aand al, slaap hulle binne minute nadat ons hulle in dieselfde kamer maar hul eie kotte, neergelê het. 
Ek is bewus dat hierdie ‘n baie kontroversiele onderwerp is. Daarom skryf ek slegs ons ondervinding en skryf vir niemand voor nie.  Elke gesin moet die manier van ouerskap kies wat hul voel is reg en goed vir hulle. Soos met tuisonderrig, is sleep training nie gepas vir almal nie. Ek moedig gesinne aan om by die Here te hoor hoe hulle moet maak en dan nie ander te oordeel vir hulle besluit nie. 
Eerstens moet die leser verstaan hoe ons babas se slaap skedule gelyk het en wat ons elke aand deurgegaan het om hulle aan die slaap te kry en hou. 
Vanaf hulle ‘n paar weke oud was, het hulle gesukkel met maag krampies en winde. Ek onthou toe my ma kom kuier het, was hulle 8 weke oud. Sy het ons gehelp om elke aand Michaela en Nivea te wieg en sis tot hulle slaap en toe het sy soms regop gesot vir ure met een van hulle sodat hulle sou aanhou slaap. As ons hulle sou neersit, sou hulle wakker word en huil en skree en kreun van duidelik ongemak. My ma kan getuig van die uitputtende aande van sis en wieg en sukkel om hulle aan die slaap te kry. Ek het toe besluit dat ek my dieet sou aanpas sodat ek niks eet wat winde in my borsmelk sou produseer nie. Van toe af, drink ek slegs rysmelk en sny suiker uit. Absoluut geen sjokolade nie! Ek het koring uitgeksakel en verplaas met rogbrood of spelt. Ek het groen groente en bone, neute en biltong vermy omdat dit als winde vor die babas gegee het. 
My Tannie het ook een naweek ons gehuisves en gesien hoe moes ek en my man sis en wieg om hulle aan die slaap te kry. Sy het by my streng dieet aangepas en kos gemaak wat veilig vir my babas was. 
Deur dit als, was Timothy aan my sy. Hy het altyd een baba gevat en haar rustig gekry. Dan lê hy haar saggies neer in haar bedjie maar nie vir lank nie. Kort daarna sou ons weer hoor hoe huil sy. Dan begin die wieg van vooraf! As hy moeg geraak het om soms drie keer oor, dieselfde kind aan die slaap te kry, sou hy ruil met my. Of as my baba slaap, dan sou ek oorneem by hom. Of ons sou die wakker baba neersit op die vloer dat sy maar speel. Dan as sy wys sy is moeg, sou ons weer probeer.
Ek het natuurlik hulle baie gevoed. Geborsvoed. Ek het gewonder of hulle nog honger is en daarom huil hulle. So hulle sou drink en drink en meskien ‘n kort rukkie slaap maar dan weer wakker ruk en skree. Die melk sou weer krampe gee, ons sou winde medisyne gee (het ‘n klomp natuurlike soorte probeer soos tissue salts, Colic Calm, Ibergast, Hyospasmol, telament en nog meer). Soms het dit gehelp, ander keer het dit geblyk dat die medisyne dit erger maak omdat hulle verstik daaraan en winde sluk soos ons dit in hulle mond inspuit. 
Ook met die dag slaapies het ons gesukkel. Ek sou vir ‘n uur sis voordat Michaela weggeraak het want sy het geweier om ‘n fopspeen te neem. Nivea was bietjie makliker want sy het haar dummy aanvaar en so kon vinniger in ons arms aan die slaap raak. Maar ek het dikwels in die kar geklim en gery met al 5 my dogters net sodat die baie moeg babas sou slaap! Ek was absoluut sat aan die einde van elke dag, maar dan het die aand se sis voor my gelê. 

My wonderlike man het partykeer albei babas aan die slaap gekry, een na die ander sodat ek kon gaan slaap. My ouer kinders het gesê dat hulle nie kan wag dat ek ophou borsvoed nie, sodat die babas nie meer winde sou hê nie. 
As ek reg geeet het, in ander woorde, streng volgens die geen-winde dieet (hoender en rys en patat), kon ons korter sis en hulle het beter geslaap. Op ‘n stadium het ons hulle teen 9uur in die bed gehad en gedink dis fantasties! 
Maar baie keer sou hulle oor en oor wakker word nadat ons hulle neergelê het en ons geduld het min geraak. Ek het gewonder wat het ek nou weer verkeerd geeet en myself verwyt. Ons aande was beset en uitputtend. Ons rue was so seer, ons het albei ‘n paar keer fisioterapie gekry. 
So nodeloos om te sê, ons kon nie so aangaan nie. Ons moes hulp kry! Ek het genavors en gesien dat Raylene de Villiers, van Good Night Baby (en wie self drieling dogtertjies het), was hoogs aanbeveel en het uitstekende resensies gehad op haar blad. 
Ek het eers nog so paar weke gesukkel voor ek besluit het om haar te kontak. Tydens die vakansie, toe ons elke aand tot laat wakker was met huilende, oormoeg babas, besluit ek om haar ‘n boodskap te stuur. Sy was bereid om my dadelik te help! Selfs in die week voor Kersfees! Maar ek het besluit om te wag tot ons terug was by die huis en hulle in hulle eie bedjies kon neerlê. 
Dag Een
Babas het aan die slaap geraak toe ek hulle een vir een borsvoed. Soos vir my aangedui het ek hulle bietjie wakker gemaak deur om hulle op te tel en saggies in hul bed neergelê. Genadiglik was daar geen huil nie en ons kon gaan slaap! 
23:00 en een is wakker, ek voed haar en toe ek haar terug in die kot sit, begin sy huil en maak haar sussie wakker. Daar moes ons nou die eerste keer hulle los om te huil. Die metode sê mens hou die tyd dop en gaan na 5min terug in die kamer om hulle te verseker van jou liefde. Ek het een baba getik op haar rug en Timothy het dieselfde troosende woorde vir die ander een gesê en toe stap ons uit! Dit was baie moeilik! Ek het dadelik die volgende 6 min op my foon laat begin aftel. Ons het nie een daar uit gekom nie, toe dit begin stil raak in die kamer. Die erge skree het verander na af en toe moan. En toe slaap hulle!
3:30 wou hulle weer drink maar gelukkig een vir een en dadelik weer gaan slaap. 
Dag Twee
 
Dag twee was moeilik! Die dag slaapies het hulle geveg en die aand was hulle ook hard aan die skree! Eks so dankbaar dat my man op verlof was, want hy kon my help. Hy was bereid om die tawwe deel te doen, dws, uitstap terwyl hulle huil. 
Dit was die aand wat hulle baie erg die slaap en sleep training geveg het. Ek het geloer deur die skrefie by die oop deur en gesien hoe Nivea gehuil en rond skuif op haar matras. Ek wou ook huil! Dit was vreeslik! Dis  nie in my geaardheid om ‘n huilende baba te ignoreer nie! My man moes keer dat ek ingaan en haar optel. En terwyl hy my kalm praat in ons kamer, gaan my oudste dogter Janéy en tel die huilende baba op. Die ander een het intussen aan die slaap geraak! Ons hoor hoe huil die twee en gaan kyk toe wat aangaan. Arme Janéy ruk soos sy snik. Tim neem Michaela by haar en gaan sit haar terug in haar bed (Nivea leer toe om te slaap deur haar Sussa se skree). En ek besluit toe om my drie oudste dogters uit die huis te vat. Ons gaan stap in die skemer en ek verduidelik weer aan Janéy hoekom ons die babas laat huil. 
– hulle is moeg.
– hulle wil slaap.
– hulle neem ure om te slaap as ons hulle sis. Met sleep training gaan hulle binne minute slaap en aan die slaap kan bly! Dis goed vir hulle om meer slaap te kry! 
Sy het toe verstaan en die kere daarna wat hulle huil sal sy saam my luister tot hulle stil bly en dan glimlag en sê: “Mamma sy slaap! Die sleep training werk!”
Dag 3
Nivea is die een wat vinniger gaan slaap. Sy huil toe vir 20 sekondes! Nou (‘n week later) is dit nie eers 10 sekondes nie. Michaela kom by 5 minute se protesteer uit. Dan gaan Timothy in en draai haar op haar sy. Hy tik tik liggies op haar rug en sê “shh shh shh”.  Dan sug sy diep en slaap! Dit werk nou elke keer! Hoerah! 
Dis nou ‘n week en my hart begin beter voel. Ek het dit gehaat om my babas so te los om te huil. Dit was BAIE moeilik vir my. Dit gaan teen my hele wese! Maar ek het gedink aan die huil en moan van moë babas. Hulle is mos dan ook nie gelukkig nie. Die Engelse gesegde het deur my kop weergalm: “You have to be cruel to be kind.” Soms, in ouerskap gaan daar verwag wees van jou om iets te doen wat jou kind nie van hou nie. Hulle sal dit veg. Maar jy as ouer WEET beter! Jy weet wat beste is vir hulle. En daarom byt jy vas! 
Gelukkig vir ons, het ons kinders nie vir ure gehuil nie. Ek sou opgegee het verseker! So ek noem die goed wat saam gewerk het om dit ‘n sukses te maak:
Tydsberekening 
* Ons was tuis, ons was voorbereid, ons het nie klomp dinge aan gehad nie maar kon by die huis bly en fokus op die babas. 
* Manlief was op verlof en kon my help. 
* Die tweeling is nou amper 9 maande oud. So hulle kan regop sit, omrol en hulleself opstoot. Ek voel hulle kan windjies uitkry op hul eie en self in ‘n gemaklike posisie in kom. 
* Hulle eet nou 3 maaltye ‘n dag en  peusel aan vinger kossies tussen in. Ek kan gerus wees dat hulle magies vol is. 
* Hulle is mooi gesond. Michaela het toe twee tandjies gesny maar hulle het wonderbaarlik nie haar seer gemaak nie! Sy was glimlaggend en onbewus van tandjies wat deurkom!
Omgewing
* Ons moes ‘white noise’ organiseer. Ons het verkoelers rondgeskuif totdat die geraas en temperatuur net reg was. 
* Temperatuur van die kamer en hoe jy jou baba aantrek is ook belangrik. Dit is nogal moeilik om dit reg te kry vir al as die aande warm begin maar later koud word. Ek dink hulle het soms wakker geword deur die nag as gevolg van koud kry. En ek sou voed dan! (Foutjie) Ek probeer nou eers vasstel of hulle koud of te warm kry voor ek mamma melkies aanbied. 
* Die kamer moet ook donker wees sodat die melatonien in hulle brein vrygestel kan word om hulle te help slaap. (Ons moet nog block-out koop want ons gordyne is te lig.) 
Ondersteuning
Raylene was beskikbaar vir my sodat ek haar kon bel of whatsapp enige tyd en vragies vra. Sy was so behulpsaam en ondersteunend. Sy het vir my ruimte geskep om foute te maak en sag te wees as ek nie meer kon nie. Daar was grasie en nie so erg streng dat dit my onderkry nie. Maar ook praktiese wenke en riglyne wat ek kon volg. Dit help soveel as mens weet wat om te doen!
En ek sou dit nie kon doen sonder my man wie fermer kan wees as ek. Wat sy emosies op sy kan sit en fokus op die doelwit. Hy het basies die sleep training gedoen! Jy het iemand soos dit nodig. 
Ook baie ondersteuning van my familie. Vriende op Facebook was wonderlik en vriendinne wat my whatsapp en boodskappies stuur van bemoedigend. Ek dink ek sou opgegee het sonder hulle almal!
En dis hoekom ek nou deur middel van die webjoernaal terugvoering gee aan julle almal. 
Sterkte vir die wat dit nog moet aanpak. En sterkte as jy besluit om dit eerder nie te doen nie. Dis ook reg. Ons almal doen maar net ons heel beste! 

My babatjies wat lekker slaap. 

   

 

0

V is vir Vis

‘n Foto wat ‘n vriendin vir my Sondag gestuur het, het my geaktiveer vir die week. 

 

Sodra ek dit gesien het, was ek geinspireer om te leer oor vis en laat die kinders vissies met nette vang. Ons is al verby die ouderdom waar hulle klankies moet leer. Wel, tot my jonger dogters weer daar is! 

Eers, moes Janéy haar eie visnet maak. Met ‘n draad hanger en ‘n lemoensak. Die lemoensak was Ilani se blink plan! Toe ryg Janéy ‘n lint deur die sak en maak dit sekuur. 

   

 

 

Toe teken ons eenvoudige vissies en skryf die woorde op. Dit het vir my gegaan oor nuwe woordjies lees. Ons is gelukkig om ‘n lamineer masjien te hê so kon vinnig ‘n paar viswoordjies reg hê om uit te vis.

   

 

Die volgende dag, na wiskunde, haal ons die oulike naslaan boe uit: Alles oor Suid-Afrika. Daarin was baie goeie inligting oor varswatervis asook seevisse. Ons maak toe fotokopië van die visse en bespreek baie van hulle. Tenike (3) wou graag hulle uitsny en sy het goed gedoen! Die longvis was vir al baie interessant! Hy het werklik longe soos mense! Ons kyk toe ‘n You Tibe video oor die eienaardige vis. https://youtu.be/vGj3XJjPIuU

   

  

  

Toe vis hulle weer vir die visse en leer die name ken! Die baber het ‘n snor. Die tongvis lyk soos ‘n tong. Die reënboog forel het ‘n pienk streep aan sy kant. Die muskietvis eet die larwe van muskiete (dank die Here vir daai vis!). 

 

Die volgende dag was dit tyd om ‘n vis te teken. ‘n Vinnige soektog op Google het gewys dat Wikipedia die beste tekening van ‘n vis gehad het asook die name van die vinne in Afrikaans. 

Janéy se vis

Ek sien nou dat ons die kiewe uitgelos het! En ons het dit juis bespreek. Hoe die kiewe suurstof uit die water filter en in die bloed oorplaas. Dis lekker om dit uit te dramatiseer met groot bewegings asof iemand sit in die kiewe,  die suurstof gryp en dit oorhandig vir die bloed. So onthou hulle dit beter. 

Ek het die kinders afgelaai by die hengel winkel naby ons. Ek het die vriendelike winkelier vertel dat ons tuisskolers is en gevra dat hy hulle bietjie vertel van als in die winkel. Ek moes in die kar sit met my babatjies wat slaap. Toe ek na so rukkie gaan loer op hulle, babbel Ilani oor die longvis war onder die grond in ‘n soort kokon wegkruip. Hulle kom toe so ‘n rukkie terug met nuwe kennis van al die soort aas wat mens kry om verskillende vis te vang. (Janéy het notas geneem in haar notaboekie.)

  

Vir kuns, het ons op iets afgekom terwyl ons die klaskamer opruim. Gedroogte gom wat ons aftrek van die tafel is wit en lekker om mee te speel. Toe maak ons vissie vorms op die tafel met die houtgom en wag toe ‘n dag voor ons dit aftrek. Swart papier is die perfekte agtergrond vir hierdie wit gom visse. 

 

 

 

En natuurlik moes ons vis eet! Heerlike forel vanaf Woolies was meer gewild met die mamma as die kinders. Maar hulle het darem geproe. 

  

Volgende week gaan ons leer oor water en waterbesparing. Ek beplan ook om ‘n water opvang kontrapsie te bou omdat my bediende nooit genoeg water het nie. Ons wil graag vir haar wys hoe kan sy reënwater  opvang en stoor. 

 

0

Die beste manier om te leer

Wat onthou jy van skool? Wat staan uit in jou geheue? 

Vir my is dit gesprekke met my onderwyseresse. Daar was heelwat spesiale mense wat in my lewe ingespreek het. 

My man onthou cumulus-, cirrus- en stratuswolke. Hy sê dis al wat hy van Aardryskunde kan onthou. Ek vra toe hoekom. O ja, dis omdat hy saam sy klas buite gegaan het en na die wolke gekyk het. Hy het die woord by die lewende wolk gesit en dit het in sy kop geplak!

Nou dink weer wat onthou jy van die ure en jare se skoollesse. Die dinge wat jy sal onthou is die dinge waaarin jy betrokke was met jou hele lyf. Jou sintuie was wakker gemaak. Jou emosies was dikwels betrek. Dit was meer as net ink op papier. 

Hartseer dat ons so min kan onthou maar die sleutel tot tuisonderwys is hierin te vinde: maak seker jou kinders BELEEF die les. Laat hulle ruik en proe aan die appeltert terwyl julle praat van soorte appels en waar hulle die beste groei en temperatuur van die oond en die meet van die bestandele. Pizza en koek is ideaal om te leer oor breuke!

Laat hulle aantrek soos die Voortrekkers en buite kamp en luister na stories van Die Groot Trek terwyl hulle self wors oor die vuur braai. 

Laat hulle met klei speel maak nie saak hoe oud hulle is nie. Met klei kan mens modelle maak van soveel dinge! 

Kyk hierdie prent van die brein gemaak deur ‘n tuisskool leerder. Sy gaan nooit die dele van die brein vergeet nie!

 

Bou met bokse en tou en huishoudelike voorwerpe. Eksperimenteer met ‘n vergrootglas, vuur en vloeistof. 

Dramatiseer stories, gedigte en gebeurtenisse. Versamel pruike en hoedens sodat julle gereeld met vermommings kan speel. So bevorder jy taal en maak seker dat hulle eendag oortuigend kan kommunikeer. 

  

Leer oor geld en rekeningkunde deur om besighede te stig en produkte te maak en verkoop. Entrepreneurskap kan van kleins af geleer word. 

Tegnologie is uiters belangrik in die Kennis Era. Jou kind gaan moet weet hoe om videos te maak, basies kodering, selfs webwerwe en toepies self te bou! ‘Speel’ op die iPad is dus nie ‘n mors van tyd nie. Hulle leer! 

Toe ek my kinders vra wat hulle die meeste geniet het van die laaste 3 jaar se tuisonderrig, was dit die uitstappies! My dogter onthou Z is vir Zoeloe en die uitstappie na die Zoeloe dorp. Tweedens was dit Aa is vir Aap en die uitstappie na die Monkey Sanctuary. Wat my punt bewys: dit wat hulle met hulle hele lyf kon beleef, (die zoeloe hutte en kosse en dansers en die ape in die bome orals om hulle) is wat hulle die beste kan onthou en die meeste geniet het! 

Dit gaan dalk beteken dat jy oor minder goed leer. Langer praat en bly op een onderwerp in vergelyking met die skool kurrikulum. Maar soos Eistein gesê het, dit is beter om te verstaan as om net te weet. 

Maak volle gebruik van die voorreg om jou kinders by die huis te kan leer en laat hulle so veel leer oombikke in die regte wêreld beleef as moontlik.

Tell me and I forget, teach me and I may remember, involve me and I learn.

0

Katapult Kuns

Ja, volgens Majstro – die webwerf wat ek gebruik vir vertaling – is die Afrikaans van catapult, katapult! Ek verwys na die slingervel-kettie tipe apparaat wat die middeleuse mense kastele mee aangeval het. Ons het baie eenvoudige soort gemaak vir ons kunswerk byeenkoms vandag. 

  

Ek is deel van ‘n klein groepie tuisskolers wat elke tweede Vrydag bymekaar kom vir kuns. Toe ek uit kuns idees raak, soek ek op Pinterest vir prettige wetenskaplike aktiwiteite. Ons het ‘n een keer eiers toegdraai en van ons eerste verdieping venster uitgegooi om te kyk of hul nie sal breek nie. Lees hier van ons Egg-drop Experiment. 

Ek het die katapult idee so rukkie terug op Pinterest gesien. Daars klomp soorte wat mens kan maak en ek en my kinders het vroer die week ‘n paar probeer en uitgetoets. Ek was beindruk met Janéy wat vanaf die You Tube video, haar eie een maklik gemaak het. 

  

Ek het eers vir die maats die basiese struktuur van ‘n katapult gewys en ook waarvoor dit gebruik was.

  

Toe het ek werkkaarte vir die kinders om die woorde in te vul. 

 

Toe wys ek vir die kinders ons ander voorbeelde van katapults wat ons vroer die week gemaak het. 

  

 

  

 Toe was dit tyd vir elkeen om hulle eie klein katapult te maak. 

 

 

Stap 1: Neem 3 roomys stokkies en stapel hulle op mekaar. Maak ‘n rekkie styf vas aan albei kante. 

  

 

Stap 2: Sit die ander 2 roomys stokkies op mekaar en maak een rek vas om een kant.

 

 

Stap 3: Nou kan jy die 3 stokkie stapel tussen die twee stokkies plaas en die lepel met rekkies an die boonste stokkie aanheg. 

  

En nou begin die pret eers! Ons het al die huisies en kastele wat ons besit in ‘n ry teen die venster gepak en klein dierties en Lego mannetjies op hulle rangskik. Toe kon die kinders lekkers in hul lepels laai, mik vir die teiken, en skiet! Ek het die video van die opeinden op my Facebook bladsy gelaai. 

   

Die slim seuns het dadelik hul eie katapult uit Lego gebou en dit het nóg beter geskiet. Dit was wat ek gehoop het sou gebeur: dat die kinders sal besef hul katapult kan aan verbeter word en veranderinge aanbring.

  

Hoorah vir katapult pret! 

0

Resensie: Sommer Pret

Lizelle Rademeyer is die breins agter die nuwe Wiskunde aktiwiteit boekie. En in my kinder se woorde: “Sy is ‘n baie slim tannie om hierdie te gemaak het!” 

Lizelle het 3 kinders van haar eie wie sy tuisonderrig. Hulle is baie lief vir wiskunde en dus moes sy heeltyd met vars werkkaarte vorendag kom. Sy het toe gesien watse aktiwiteite is die kinders se gunstelinge en haar eie dan ontwerp. 

  

Sy het drie boekies waarvan Sommer Pret 1 die een is wat vir my kinders se vermoë gewerk het. Hulle is 8 en 6. My kinders moet aangemoedig word om wiskunde te doen en daarom was Sommer Pret vir my ‘n fantastiese flinkdink fortuin! My kinders was actually gretig om daarin te werk! 

Die aktiwiteite is uitdagend genoeg om hulle breine te laat werk maar prettig genoeg om hulle belangstelling te behou. Ek dink dis unieke aktiwiteite en verhoog hulle IK. Ek het soortgelyke probleme al self in ‘n aanlyn IK toets voltooi en voel daarom in my noppies dat my kinders dit ook kan verstaan. 

Janéy sê hierdie was moeiliker as ‘n woordsoek. Sy het die uitdaging geniet!

Ilani (6) met haar gunsteling bladsy.

My kunstige Janéy het die patroon uitdagings geniet!

 

 

Almal tel saam!

Daars 30 aktiwiteite en die antwoorde agter in die boek. Dit maak die harde kopieë van die boek verseker vir my die R60 werd!

Gaan lees meer oor die inhoud van Sommer Pret 2 en 3 by https://lomi.co.za/sommer-pret/ Ek sal dit sterk aanbeveel vir kinders wat moeg is om maaltafels te oefen en iets anders soek om wiskunde weer te geniet! 

Bestel joune vandag deur om Lizelle te e-pos by info@lomi.co.za

Volg verseker die wiskunde wenner se Facebook blad ‘Sommer Pret’ om op hoogte te bly van Spesiale Aanbodde. 

En as jy nie kan wag vir jou Sommer Pret in die pos nie, laai solank die soortgelyke Robot of Lente Pretpak by https://teachingresources.co.za/vendors/lomi/vir slegs R12 en R15 af. 

0

Ons maak die Jesus standbeeld 

Omdat die Olimpiese Spele die jaar in Rio Janeiro plaasvind, het ek besluit dat ons die groot Jesus standbeeld moet maak. Die kinders sien dit baie op televisie wanneer hulle die Olympiade kyk, so om die model daarvan te maak sal dit verder in hulle breine vasmaak.

 

So hoe dit werk in ons tuisskool, ek dink so paar dae aan die ding wat ek wil maak en hoe ek dit gaan doen. Ek soek idees en handleidinge op Pinterest maar daar was niks. Dan versamel ek die goed wat ons nodig het om die projek te maak. Ek vertel die kinders my idee en gewoonlik wil hulle dadelik begin om daaraan te werk. Maar ek kan nie altyd dadelik help of toesig hou nie. So soms moet hulle vir my wag, soms vir dae lank, voor ek tyd kry om aandag te gee aan ons idee. Dis hoekom beplanning en skedules nie vir my goed werk nie. Ek moet elke dag vat soos dit kom. As die tweeling sleg geslaap het die nag, gaan ek nie iets intensiefs en veeleisend aanpak nie. Ek gaan die dag stadig in en laat die kinders speel tot hulle vreugde bekers oorloop. Ander dae, voel ek fluks en bedrywig. Ek gryp die bul by die horings en roep die kinders nader om te werk. 

So ek het ‘n ou plastiese drinkbottel in die stoorkas gesien wat perfek sal werk vir ons Jesus standbeeld. Sy formele naam is Christ the Redeemed, vertaal na Afrikaans toe is dit seker, Jesus die Verlosser. Ek het reeds klei en tipe gips in my stoorkamer wat ek lank terug gekoop het. Só lekker as ek al die gereedskap reeds het en hoef nie iets te gaan koop nie, (want dit gaan die hele projek weke uitstel!) 

Sodra ons ‘n tydjie het, wat op ‘n Vrydag geval het die week, begin die kinders die bottel met klei toemaak. Dis nie presies die metode wat ek in gedagte gehad het nie maar ek sien dit gaan werk en los hulle. Dis wat ook nodig is om tuisskool mamma-juffrou te wees. My idee was om die klei netjies plat te rol en dan die bottel egalig toe te maak daarmee. Hulle breek stukkies klei af en plak. Dit het dieselfde eind resultaat- ek los hulle. 

  

Ons soek iets om Jesus se kop te wees. Verskeie voorwerpe is getoets vir grote en vorm tot ons op ‘n ou vitamien botteltjie afkop wat perfek sal werk. Die word ook met klei toegeplak. 

Janéy vorm Jesus se gesig daarop. Sy geniet haarself. Ek hou ‘n baba vas en kyk oor haar skouer. Dit lyk nie vir my reg nie maar ek sê niks. Dit maak nie saak nie. Toe raak die klei op en ek moet die babas aandag gee en daar laat staan ons die taak. 

Ek wonder of dit nou die einde is daarvan. Maar deur die nag dink ek aan wat ons vir arms kan gebruik: plastiese messe! En ek het sout en meel in die spens, ek sal sommer gou nog gewone klei maak. Saterdagoggend, slaap die een tweeling sussie mooi, ek lê haar sussie neer op die bank en maak vinnig nog klei. 

Ek maak gate in die bottel en klei met ‘n skerp mes, die plastiek messe pas maklik daarin. Die kinders hou baie daarvan- dit lyk vir hulle soos ‘n vliegtuig en hulle vlieg met Jesus eers so bietjie om die kombuis.  

Dan is dit tyd vir die pleister. Ek het hierdie Plaster-Cloth by Jimnettes gekoop. Dit kom as ‘n rol wat jy in repe kan sny. Dip dan in lou warm water en sit dit op. Baie maklik! Jy kan dit nog bietjie buig en vou terwyl dit klam is maar dit word hard wanneer droog. 

Ilani gebruik ‘n kwas want dit lyk lekker.

      

Nou wil ek ‘n agtergrond maak daarvoor met bietjie inligting op maar dis naweek en die kinders wil speel. (Wel, hulle wil elke dag speel.) Ek ‘squueze’ so bietjie werk uit hulle uit. 

  

Ilani kleur Brasilië se vlag in. Janéy onthou die Olimpiese ringe se kleure van laas week se inkleur opdrag. Die ringe verteenwoordig die 5 Landgroepe wat in die Olimpiese Spele deelneem: Africa, Europ, Asia, Americas, Oceania. 

Die Jesus standbeeld is 30m hoog en sy arms strek 28m wyd. Dit was ontwerp deur die Franse beeldhouer Paul Landowski en gebou deur engineers Heitor da Silva and Albert Caquot. Dis gemaak van speksteen. Dit het 9 jaar geneem om klaar te maak vanaf 1922-1931. Al hierdie feite is gerangskik op ‘n lig-die-flap papiertjies om maklik dit te kan sien

  

Daars oop kolle, dink dit kon beter en netjieser gedoen word. Wonder of daar ooit, in die geskiedenis van webjoernale, iets geplaas word wat nie 100% perfek is nie? Ek sou  dit self mooi wou klaar maak maar moet vrede maak dat ek nie nou sal kan nie, ek wieg meeste van die dag ‘n baba. En buitendien, my kinders gaan niks daarby baat as ek hulle taak mooi voltooi nie. 

  

8

Wat is unschooling? 

Met die tweeling wat my so baie besig en moeg hou, het ek sonder opset die wêreld van ‘Unschooling’ betree. Wikipedia defineer unschooling as “an educational method and philosophy that advocates learner-chosen activities as a primary means for learning.” In plein Afrikaans, is dit: jy los die kind om self te besluit wat hulle wil leer. 

Eeeeek! Dit klink mos nie reg nie! Watter kind gaan kies om te werk? Wel, verbasenlik kies baie kinders om te werk en geniet om dit te doen wanneer hulle gelos is in ‘n omgewing waar hulle kan leer. So, die filosofie is dat as jy ‘n kind los in ‘n omgewing wat vindingryk is, dit beteken: daars klomp interessante boeke en ensiklopedies op die rakke; daars ‘n rekenaar en Internet toegang; opvoedkundige speelgoed en apparaat orals en ‘n beskikbare volwassene, gaan die kind vanself iets kies om aan te werk en BETER leer as ‘n opset waar feite in ‘n kind se brein gestop word. 

George Bernard Shaw sê: “What we want to see is the child in pursuit of knowledge, not knowledge in pursuit of the child.” 

So hoe sal dit lyk? Wel, ek het vir jou ‘n voorbeeld uit ons eie tuisskool reis. Ek lees die ander dag vir my kinders die storie van Mrs Tittlemouse deur Beatrix Potter. Sy bly in ‘n ondergronds se huisie met klomp kamers. Die storie is regtig baie oulik en my kinders het sommer opgestaan en begin uitbeeld hoe Mrs Tittlemouse die modder voetspore van die padda-besoeker skoonvee. Hulle het dit baie geniet. So paar dae later, teken my oudste ‘n ondergrond huis wat sy baie graag wil bou. Sy vra my hoe om die woord ‘kamer’ te spel en merk dan al die kamers in haar huis. Sonder dat ek sê sy moet, leer sy klomp nuwe spelwoorde. (En sy oefen dit weer die volgende dag toe sy nie haar tekening kon vind nie en moes van voor af begin.) 

 

Janéy wil só graag hierdie huisie bou dat sy begin dink hoe kan sy genoeg geld maak om dit te kan doen. Sy vra my watse werkies kan sy in en om die huis doen om geld te verdien. Sy gee haar Pappa ‘n hot stone massage en sit nog ‘n geldjie in haar sak. Sy maak lysies van wat sy alles gaan nodig hê om hierdie te bou. Sy vertel my elke aand hoe vasebrade sy is om haar droom te laat waar word. Sy sê: “Mamma ek gaan hierdie bou en niks gaan my keer nie.” Hoe kon ek my kind se ‘bubble’ bars deur om te sê dis ontmoontlik? 

Ek besluit om eerder sagkens die engineers aspekte te bespreek soos dat daar nie vensters sal kan wees nie, so hoe kry mens lig en lug daarin. Sy besef sy gaan ventilasie pype moet inbou en teken ligte. Ons praat selfs oor ‘n kaggel en ‘n skoorsteen. Al hierdie dinge kry haar brein aan die gaan en sy gesels ure met haar sussie oor haar planne. 

Vanoggend vra sy my vir my foon om die ‘calculator’ te gebruik (is dit ‘n sakrekenaar as dit op jou foon voorkom?) Sy wil al haar geld optel. So ek wys haar hoe sente 0,1 en 0,5 gaan wees en rande 5 en 10 ens. Sy snap vinnig en tel al haar geld op tot by R92,50. Sy voel baie ryk. Sy skree van opgewondeheid dat sy naby R2000 is en dit sal genoeg wees om haar ondergrondse huis te bou asook meubels te koop en dalk as daar iets oorbly, lekkergoed ook! Ek besluit ek gaan moet verduidelik hoe baie so projek sou kos. Ek breek die nuus aan haar: Sus, met R2000 kan mens dalk een bank koop. Haar mond rek met verbasing. Julle bunk bed was R2500! Sy antwoord dat sy 2 beddens gaan nodig hê en daar besef sy hoe buite haar bereik dit is. Haar skouers val. Ek sien hoe slat die teleurstelling haar. Ek probeer troos: Selfs grootmense het nie genoeg geld om hulle huise te bou nie! Ek beskryf hoe hulle moet geld leen by die bank om ‘n huis te bou. Ek stel voor dat sy spaar om ‘n Sylvanian familie pophuis te koop. Dat dit binne haar bereik is. Ek vertel haar hoe ongelooflik great haar ondergrondse idee is – dis ‘n idee wat sy by Uitvinding Dag met haar tuisskool maatjies moet deel. 

Sy dink so bietjie en besluit sy gaan spaar om baie lego te koop. Ja! Dis nou ‘n blink plan. Dan bou sy solank haar droomhuis op ‘n kleiner skaal. 

So hoeveel vakke het sy geleer in hierdie een projek? Afrikaans, wiskunde, kuns (dy het klomp meubels ontwerp) tegnologie. Elk geval, ek weet van ‘n ander ‘unschooling’ gesin wie se voorbeeld baie meer indrukwekkend is. Die dogter van 7 bedryf reeds haar eie maatskapy. Bak kolwyntjies, neem bestellings daarvoor, reël vir oplewer en aflewer en hou rekord van als. Sy skryf kwotasies en doen basies rekeningkunde. Ek kan verstaan hoe dit van baie meer waarde is as om Graad 1 by te woon by ‘n skool. 

So dit kom daarop neer om die proses te vertrou. Soos ek verstaan is daar baie dae waar dit lyk asof niks gebeur nie. En dan is daar ongelooflike dae waar die kind wegspring met ‘n taak en floreer. 

Ek dink as iemand dit versigtig sou wou begin sal dit behels om baie vir jou kind te lees. Lees dalk net tot halfpad en los die res oor aan jou kind se nuuskierigheid. Bespreek die grootmens wêreld van besigheid en geld maak. Maak seker dat daar baie bronne en naslaanboeke rondlê vir jou kinders om in te loer. As jy (soos ek) nie bereid voel om die werkboeke te bêre nie, gee vir hulle opsies oor wat hulle kan doen. Laat hulle deur die boek blaai en self kies watse bladsye hulle gaan aanpak. Dit laat hulle voel dat hulle gekies het om te werk en daarom sal hulle dit klaar maak. Vra vir hulle waaroor wil hulle leer en dan doen julle dit in diepte. In ander woorde, julle skryf julle eie kurrikulum. Dis wat unschooling is!