0

Pret met Meervoude

Ek is so bly as ek ‘n prettige idee kry! Dis lekker om kreatief te wees!

Laas week vind ek ‘n sak vol enkel kouse. Jip, weet nie wat die plan daarmee was nie – hoop dalk sy maat verskyn êrens. Ek roep die kinders maar niemand wil my kom help nie so ek pak self die woord kous uit met die kouse. 


Toe ek klaar is, besef ek dat die woord ‘kous’ nie heeltemal akkuraat is nie. Daars mos baie kouse! Voor ek die ‘e’ kon byvoeg, stap een van my 1 jarige tweeling in die kamer met ‘n groot glimlag! Sy loop deur al die kouse op die vloer. Ek lag lekker saam met haar en gee haar ‘n stywe druk! 15 maande is so ‘n oulike ouderdom! 


Maar die kous het idees laat wortels skiet in my brein! Mens kan mos klomp goed pak en woorde spel met die eintlike voorwerp! 

Ek gaan pak belt en belde in my kamer. 


So toe maats Vrydag kom speel, steek ek hulle almal aan die werk om klomp enkelvoud en meervoud woorde te bou! 

Serp met serpe


Die maats het blare in die tuin gaan haal en ‘n emmer vol klippies. Wat beter manier is daar om die spelreëls te onthou as jy die woorde letterlik moes bou met daardie voorwerp?! 

Blaar word blare




Pegs moet streng pennetjies wees maar ons leer sommer die Engelse woord daarvoor. 


Baie dankie aan Zarien en die maats wat kom help het! 

Watse woorde kan julle nog aan dink? 

Advertisements
0

Resensie: Lieflik en Loflik

Louise Bodenstein, is ‘n tuisskool mamma van 6 kinders en die ontwikkelaar van die Afrikaanse grondleg kurrikulum, Lieflik en Loflik. Die pragtige naam verwys natuurlik na die Filipense vers wat sê: “… vul julle gedagtes met alles wat waar, eerbaar, skoon, suiwer, lieflik en lofwaardig is.” Die kurrikulum beloof verseker om jou kind se gedagtes te vul met lieflik en loflikke dinge!

Louise vertel op haar tuisblad dat sy ‘n droom het ‘van ‘n opvoeding waar kinders blootgestel word aan die mooi in die lewe , waar hulle smaak knoppies ontwikkel is om ‘n dieet van klassieke kuns, letterkunde en musiek te verkies bo die oppervlakkige kitskos dieet van opvoeding wat vandag vir ons kinders aangebied word’. 

Lieflik en Loflik is gebou op die prinsiepe van Charlotte Mason, die 1800’s se opvoedkundige deskundige waarop baie tuisskolers hulle oë rig. So hoe lyk so kurrikulum? Daars baie elemente and boek werk is nie een van hulle nie! Ek het die afgelope twee weke saam met my 4 jarige gekyk na die A Letter! Dis Amazing! Louise maak gebruik van verskillende beskikbare media soos RSG’s se gestoorde kinderstories, Lollos se You Tube liedjies en Google se alfabet aksies. Ek hou ook van haar eie opnames van liedjies en gediggies wat haar kinders opsê! Daars skakels na gepaste kunsvlyt en werkkaarte wat ek uitgedruk het vir my dogter. 


Daar is ook opvoedkundige oefening wat hand-oog koordinasie, ouditiewe en visuele geheue opskerp. Perseptuele speletjies wat jou kind voorberei vir lees en leer. 

Wat my baie beindruk is hoe gebruikersvriendelik haar webwerf is. Om so baie komponente so vlot te laat verloop is nie eenvoudig nie! Jou vordering deur die week se les word aangeteken en soos jy ‘n aktiwiteit voltooi, word jy geluk gewens! Dis opverdeel in 5 dae en daars geen voorbereiding nodig nie so mamma kan elke dag inteken en dadelik begin! Jy kan sit met jou kleuter en luister na die stories en kyk na die videos op ‘n iPad of rekenaar. 

Lieflik en Loflik is geskik vir kinders 4-7 jaar. My 4 jarige het dit baie geniet! Ek sou dit aanbeveel as ‘n Graad RR of Graad R kurrikulum afhangend van jou kind. 

Die A-letter is op spesiale aanbod vir slegs R39,99 tot einde Julie. 

Volg die skakel om bekoor te word met als wat lieflik en loflik is: http://www.lieflikenloflik.co.za/

0

Ons Nieu-Seeland Vakansie (deel 1)

Ek wil graag ons wonderlike vakansie vasvang en die mooi herhinneringe met fotos bêre vir my kinders om weer na terug te kyk. 

Dit was herfs in Nieu-Seeland, soos in Suid-Afrika maar heelwat kouer. Die maksimum temperatuur was 13’C. Die son skym helder en dit laat mens dink dat dit ‘n warm dag gaan wees. My kinders en die inwoners wil net kort moue aantrek en sweer hulle kry nie koud nie. 

   

   

Ons het gegaan om my broer se keuse van lewensmaat te ontmoet en bietjie leer ken. My ouers het vanaf engeland gevlieg, my oupa en ouma vanaf die Kaap, my ander broer ook van die VK– als moontlik gemaak deur my aanstaande skoonsus se pa, wie ons genooi het na hulle vakansie huis in Raglan en ‘n groot deel van ons reis soentoe betaal het. 

   

 

Die vlug soentoe het baie goed gegaan. Die babas het ‘m groot deel van die vlug in Qantas se oulike baba bedjies geslaap. My ouer kinders het geniet om flieks te kyk en vliegtuig kos te eet. Ons was ekstra sitplekke gegee so almal kon lê en slaap. Maar ek kon nie slaap of fliek kyk nie. Ek het geniet om net te sit en ‘n omgee oogie te hou oor my kroos. 

   

  

Daar aangekom en ons is dieselfde bus gegee as wat ons hier mee ry! So kon ons Die Noord Eiland van Neui-Seeland plat ry in gemak. Ons het in Aukland geland naby aan middernag so ons kon nog nie die land sien nie. Ons kon lekker met my broer gesels almdie oad na ons vakansie huis in die stranddorp Raglan. Ons almal het dadelik verlief geraak op Raglan. So lekker hippie gevoel. Die water van die see loop verby soos ‘n rivier al is dit nie regtig ‘n rivier nie maar ‘n lang strandmeer. Ons kon elke dag die water sien uitspoel en die landskap dreineer met lae gety en dan met die skuif van die son, weer vol tap tot hoë gety. Dit was altyd so mooi en interesaant vir my- ek het graag gaan stap op die modder vlaktes wat die lae gety ontklee het. Die gevoel van skulpies wat onder my skoene breek het my meteens skuldig en bly laat voel. Maar die koue wind het ons weer vinnig binne toe gejaag. 

   

    

Nieu-Seeland is 10 ure voor ons so hulle slaap die aand as ons die dag eers begin. So my babas het vir die eerste week hul nag en dag verkeerd om gehad en my kinders was almal 3uur wakker en lus om te eet. Gelukkig was Oupa en Ouma daar om te speel en help oppas! 

   

 

Ons het besluit dat moegheid en siekte (griep het sy rondtes gemaak) ons nie sou keer om die Kiwi land te ontdek en verken nie! 

So, ons het gaan stap en gery en gelag vir al die vreemde name van dorpe en riviere. Name wat ons nie kon uitspreek nie.  

      

Nieu-Seeland is baie groen en daar is baie water. Baie reën maak dat daar baie riviere en strome is. Berge en heuwels maak dat daar watervalle is. En die waterval by Bridal Valley Falls was baie mooi! 

 

    

Twee van my 5 dogtertjies het verjaar tydens ons vakansie. Hoe spesiaal vir hulle om dit te vier saam met ouma en oupa, ouma- en oupa-grootjie, ooms en nuwe tannie! 

   

             

word vervolg…

0

5 Oefeninge om jou 5-jarige se konsentrasie te verbeter

  

Die konsentrasie frustrasie! Dis vir my belaglik hoe hulle praat van konsentrasie die heeltyd by die skole. Dit voel vir my of elke tweede kind met ADHD bestempel word. Jinne, hulle moet nie my konsentrasie in ‘n klaskamer toets nie, daar sal dadelik ‘n voorskrif vir pille in my hand gestop word! 

Kinders is veronderstel om nuuskierig te wees en rondom hulle te wil kyk. As hulle ‘n geluid hoor, is dit natuurlik om te kyk wat maak so. Klasse is ‘n hoogs aandag afleibare omgewing en nou wil grootmense hê 5-jariges moet konsentreer! Dis eintlik baie onredelik. 

Maar nou ja, ons kan nie wegkom daarvan nie. So hoe moet ons daarmee saamleef en ons kids leer om te ‘cope’?

 Speel konsentrasie speletjies!

*Hy moet tot 10 tel terwyl jy vir hom snaakse gesigte trek. 
*Hy moet sy hele familie teken terwyl jy koek bak.
*Sy moet ‘n vlegsel in haar pop se hare maak. 
*Hy kan die alfabet vir jou skree terwyl jy met elektriese klitser besig is. 

En na die lawaai, sit julle oorkant mekaar en laat hy jou ‘n storie/fliek/grappie/iets wat in sy dag gebeur het vertel. Kyk stip in sy oë en luister aandagtig. Kinders leer hoe hulle moet maak deur ons voorbeeld. As ons nie kan konsentreer as hulle met ons praat nie, kan ons nie verwag dat hulle moet konsentreer as juffie met die hele klas praat nie. 

En lees vir jou kind. Lees baie stories! Eers boeke met baie prente vir kort tye en dan al hoe langer. Tot jy 20 min aan een lees en boetie die heeltyd groot oë sit en luister. Dis hoe lank sê deskundiges moet 5-jariges kan konsentreer. Dertig minute vir 6-jariges. 

Nog iets wat konsentrasie bou is bordspeletjies. Kinders moet instruksies volg, kyk wat gebeur, luister na ander en fokus op iets. 

Luister stories op CD. 

Help in die huis en die tuin. Volgende keer wat boetie al die Oaties op die vloer mors, laat hy dit opvee met ‘n skoppie en besem. Dit verg konsentrasie om te fokus op die taak tot dit klaar is. Selfs ‘n krieket game wekt goed om konsentrasie te oefen. Die veldwerkers moet heeltyd die kolwer dophou en wag tot die bal in sy rigting geslaan word. ‘n Aandag afleibare speler gaan die bal mis. 

Konsentrasie gaan oor uithouensvermoë en self-beheersing. Kinders is nie daarmee gebore nie, dis aangeleer. 

So kom ons kyk hoe goed het jy gekonsentreer 🙂 Hoe lank moet 5-jariges kan konsentreer? 

2

Eu vir reuse sleutel

Ek hou daarvan om temas om ‘n klankie te bou. Ons het al Bou ‘n Ou gedoen asook Oe vir Pampoen Koets! Nou is dit die bEUrt van eu. 

Eerstens het ons ‘n reuse eu met handdoeke op die gras gemaak.  

Ons het papier geskEUr en geplak op die diftong. Janéy het al die eu woordjies geksryf. 

 

 

‘n Lekker aktiwiteit vir my kleuter (3) was om sleutels te pas op die plek waar ek hulle vroer afgetrek het. 

   

Sy wou ook graag self aftrek.

‘n Lekker aktiwiteit vir my Graad 1tjie was om woorde en prentjies uit ‘n tydskrif te soek met die klank eu. Knip en plak!

  

Sy het ook die werkies in haar Klanke boek gedoen. 

  

Vir wiskunde het ons geleer oor Breuke. Ilani wou graag al die werkies in Vlak 1 voltooi sodat sy die sertifikaat aan die einde van die boek kon verdien. Dit is Slimkoppies se boek oor Breuke vir Graad 1-3.

Die kinders het self gesê hulle wou speel met rEUke. Ek het hulle toe geblinddoek en ‘n oaar goed laat ruik. 

Janéy ruik ‘n stokkie kaneel met haar nEUs

 

Janéy het vir my gelees uit haar gepaste Tippie boek. 

 

Sy het ook eu werk gedoen in haar boek asook Breuke werk. Maar wat ek oor die meeste trots is, is haar storie oor Die Sleutel. Sy het dit so baie geniet om te skryf, dat sy nog baie stories daarna geksryf het. 

Eers het sy sinnetjies met eu woordjies geskryf.

  

  

Ek het self ‘n belangrike sleutel ontdek die week. Die sleutel tot tuisskool sukses. Ek het allerhande plannetjies gehad vir my kinders. Ek wou leer oor die neus maar kon nie ons liggaampie boek opspoor nie. Toe wou ek hulle leer van hoe ‘n slot werk en ‘n sleutel draai. Ek het gedink om hulle te neem na ‘n slotmaker en kyk hoe hy sleutels sny, maar dit het toe nooit gerealiseer nie. Wat wel gebeur het, is dat my dogter ‘n liefde vir skryf ontdek het. Sy het elke dag die laaste week, ten minste twee stories geskryf. Self gesit en dink en af en toe my gevra hoe om ‘n woord te spel. Ek was so opgewonde! 

As ek haar heeltyd met my idees besig gehou het, sou sy nie kans gekry het om te skryf nie. So, my moegheid en besig wees met my babas, het eintlik vir haar geleentheid geskep om te sit en skryf. 

Die ander aktiwiteite sou oulik gewees het, en ek moedig jou aan om klomp dinge te doen as jy kans en energie het daarvoor. Op die regte tyd, gebeur die regte goed. Lê die fondasie van klankies en skryf oefen en kyk hoe jou kind skielik ‘n reuse tree gee! 

 

0

Hoe leer ek my kind om te lees? (Deel 2)

  

Hoe leer ek my kind om te lees‘  is my mees geleesde artikel van al my tuisonderrig posts. In Januarie alleen, was daar 536 klieks op die artikel en 470 in Februarie. Meeste mense word deur Google verwys wat vir my sê dat daar desperate ouers is wat opsoek is na antwoorde. Ek ontvang ook gereelde briewe van onstelde mammas wat besef hulle Graad 3 of 4 kind kan nie lees nie. 

Wat het gebeur? Hoekom het die kind nie op skool geleer lees nie? 

Daars natuurlik baie moontlike antwoorde van hoor- of sigprobleme tot konsentrasie probleme of leerprobleme. Maar ek dink daars iets baie meer eenvoudigs fout: die skool beweeg te vinnig! Die aanleer van klankies word in Graad R gedoen. Graad Eentjies val weg met leesboekies wat groot woorde in het en die kind moet bloot onthou wat Juffrou sê die woord is. Dis waar dat baie kinders deurkom deur slegs die storie te memoriseer. Hy lees mooi vlot vir ouers en juffrou en almal is tevrede. Ongelukkig, besef mamma eers te laat dat hy alles bloot gememoriseer het.

Om te keer dat hierdie gebeur, vra jou kind woordjies afsonderlik van die storie. Sit jou vinger op die woord in die middel van die sin en laat hy dit lees. Sodoende, kan hy nie die rympie of storie onthou nie. Dit gaan nie daaroor om jou kind uit te vang nie, dit gaan oor seker maak dat hy/sy kan lees. 

Ek is bewus daarvan dat klankies op mekaar geleer word. Soms twee of meer in een week. As jou kind afwesig was toe hulle die letter R geleer het, is dit moontlik dat hy glad nie R ken nie en daarom kan hy nie woorde met daardie klank in lees nie.  

Meskien verwar jou kind net twee klankies. Wat baie algemeen is! Meeste kinders onthou nie dadelik al die klankies nie! Hulle kort tyd en oefening met elke klank afsonderlik om dit behoorlik onder die knie te kry. As Jannie nie die verskil tussen b en d onthou nie, lees hy dalk bom as dom en dit raak net erger daarna. Dit is nie genoeg om slegs die alfabet te kan sing nie. Die kind moet verstaan dat die E letter se klank e vir emmer is. F is f vir fiets. ‘n Mens kan nie lees met die hoofletter name van woorde nie. 

Ek sal raai dat daar niks groots fout is met jou kind nie. Hulle het net ‘n stappie hier of daar gemis en nou kan hulle nie maklik klim tot bo nie. Nadat kinders elke klank van die alfabet goed ken en onthou en van mekaar af kan onderskei, moet hul diftonge leer. Dis die aa, ee, oo, oe, ie, ui, uu, eu, ou, ei, aai, ooi, eeu, oei. As hy sukkel om klankies bymekaar te sit en nie bv, s-l-eu-t-e-l kan uitspel nie, kan dit wees omdat hy nie die ‘eu’ klankie ken of onthou nie. Of, hy sukkel met sintesis (die klankies bymekaar voeg). 

Liewe ouer, haal diep asem. Ek raai julle vloek en skel die onnies nou uit in julle kop. Of jy verwyt jouself. Ek dink dis meer CAPS en die sisteem se skuld. Daars net baie werk en baie kinders. Ons almal moet saamtrek eerder as vingerwys.  Sodra jy klaar kwaad gevoel het, kom ons kyk na strategieë vorentoe. 

  • As jou kind Graad R of 1 is, oefen gereeld saam met jou kind al die klankies. Oefen ook sigwoorde soos die, ‘n, ek, dit, wie, wat, jy en jou ens. 
  • Maak of koop flitskaartjies sodat julle saam al die letters van die alfabet weer oefen. Om dit interessant te maak, oefen met skuim letters in die bad, en magnete op die yskas. 
  • Vra anders om ook: waarmee begin ‘boom’? Watse klank hoor jy in die middel van ‘kat’? Waarmee eindig ‘sit’?
  • Sit 2 klankies langs mekaar en laat jou kind dit lees al maak dit nie sin nie. Byvoorbeeld: la, le, li, lo, lu, at, et, it, ot, ut. Hulle oefen dan elke klinker saam met ‘n medeklinker sodat. Hierdie is onsettend belangrike oefeningtjies. ‘n Bou blokkie van lees wat te veel kinders skip. 
  • Eers nadat julle 2 letters saam geoefen tot vervelens toe, kan jy begin met 3-letter woordjies bou. 
  • Oefen diftonge en medeklinker kombinasies: sk, tr, bl, dr, kl, st, gr, 
  • As jy al hierdie gedoen het, maar besef jou kind sukkel nog steeds, neem hom/haar asseblief vir hulp en asseseering. Opvoedkundige sielkundiges is opgelei om tot die wortel van leesprobleme te kom. Hulle sal jou kan help op die regte pad. 


     Ek wens elke ouer baie sterkte toe. Of jy nou tuisonderrig of die ‘school run’ doen. Albei het hulle uitdagings en is dikwels moeilik! Maar, JY kan jou kind tree vir tree leer lees! 

    : Janet Kieswetter het ‘n BPsig in Sielkunde en het haar Na-graadse Sertifikaat in Onderwys verwerf deur die Universiteit van Pretoria in 2006. Sy is getroud aan Timothy Kieswetter en tuisskool hulle 5 dogters in Pretoria.